Chulien's Blog

Sulit na sulit! Sa halagang 6k as VVIP sa Gfriend Lol in Manila Showcase? Suuuulit talaga. Lalo na samin na sa Seat A4 at A5. Yung tipong halos 1 meter na lang yung distance nila samin kapag umiinom sila ng tubig nila. Tapos yung interaction kapag nasa harap ka ASDFASDFASDFASDFASDF.

Kakagising ko pa lang. Pero hanggang ngayon di pa rin ako makapaniwala na nakita ko na sila kagabi. Sa sobrang saya ko di ko na maalala lahat ng moments ko with Gfriend. Parang nahihirapan pa rin ako huminga kagaya kagabi kapag naiisip ko yung experience ko. ^^Nakita ko na ba talaga sila? Yung hightouch, nahawakan ko na ba talaga yung kamay ni yerin. OMGeeeee.

gfriend at sept 04 - napakaraming first time.

Isa akong Kpop online shop seller. 4 years na. Pero hindi pa ako naging alam mo yun, yung as in Fan talaga. Nung una nga hindi ko maintindihan yung ibang customers ko kapag yung nagmemeet up kami, tapos yung saya nila kapag nahawakan na nila yung item nila. Makaspazz wagas. May time pa nga na napagalitan kami ng prof sa Campus namin. Yung mga customers ko kasi na mineet up ko sa harap ng room. Pagkabigay ko ng item, tumili, nagwala, sumigaw, tumalon, umiyak. Dahil grupo sila na puro mukhang nababaliw na, ayun rinig na rinig sila sa loob ng kwarto kahit nakasarado ang pinto at bintana. Then nagulat na lang ako nakatingin na samin lahat ng nasa loob (Hiyamuch)

Natatawa at natutuwa ako sa reactions nila. Pero ewan ko ba. nasa isip ko di naman ako nagiging ganon kapag may mga nakikita akong magagaling na groups.

Pero nung nakilala ko na yung gfriend. (Pano ko nga ba sila nakilala?)
Ahm ganito kasi yun, dahil kpop goods seller, if possible, nanood kami ng kung sino sinong groups esp rookies ng performance sa youtube. Tapos magpapaunahan kami ng co admin ko sa pagkilala sa mga mukha at pangalan ng mga members. Para halimbawang kailangan gumawa ng freebies at may request si customer, hindi kung sino sinong mukha na lang yung makukuha namin.

hanggang sa dinala kami ng youtube sa IOI at doon namin napanood ang Cover nila ng ME GUSTAS TU. Unang rinig pa lang, nagustuhan ko na yung kanta. (Ang ganda pa ng pagkakacover nila)

Dahil nagustuhan ko yung kanta, syempre, nagsearch for the original to compare. Napadpad sa dance practice ng gfriend, at doon na nabuo sa salitang TADHANA. de jk. well, sino ba namang di mabibighani sa powerful pero sychronized dancesteps ng Gfriend? Tapos yung kanta pa. waaaaaaah! Hanggang sa inaraw araw na yung mga dance practice.

Yung salitang BIAS, hindi ko pa nirefer ni minsan sa mga member ng ibang groups na napanaood ko dati na nagustuhan ko rin ang naman. "Ah si Sehun gusto ko sa Exo kasi magaling sumayaw" , "Ang cute ni Jin, Peborit ko yan" yung mga tipong ganoon langs.

Pero "for the first time and foreveeeer"(frozen ost playing) sinabi ko sa ko admin ko nung nanood kami ng dance practice. "Upsie! ito yung BIAS ko!" Sabay turo dun sa babaeng nakawhite shirt, black shorts, na nakapony tail. Di ko pa alam yung pangalan nila. PERO MAHAL KO NA SILA KAHIT DI KO PA ALAM ANG PANGALAN NG MEMBERS!!!

-
Hindi ko alam na ganto pala. Nabaliw na ako!
Maya't maya nagpplay sa isip ko yung tatlo (Glass bead, Me gustas tu, at rough). Walang tigil.
Nagugulat na lang ako kumakanta na pala ako (ay naghahahum ba tawag dun. di ko alam lyrics pero alam ko lang tono. tas iimbento ng konting lyrics.) Tapos mamaya marerealize ko, "Oi, kumakanta ka na naman ng may imbentong lyrics" tas mamaya ganun ulit. Hanggang sa bago matulog, yun pa ring mga kanta na iyon yung nagpplay sa isip ko. Tas mananaginip ako, tumutugtog pa rin yun sa panaginip ko. Tapos hanggang pag-gising!!! ""Aaaaaaaaaps!!! Heeeeelp!" Sabi ko sa co admin ko. "Ayaw na magstop magplay ng gfriend sa utak ko! huhuhu" Parang may CD na nakaplay na paulit ulit. First time na nangyari sakin ito.

First time ko din na magpunta sa isang... ahm ano ba dapat kong gamiting word? Concert? Showcase?
Basta yung bibili ka ng ticket tas manonood ka. Ngayon pa lang ako papasok ng isang theater para manood ng Kpop group. Yes! Gfriend ang kauna-unahang kpop group ang makikita ko ever! Hindi ko alam yung mga gagawin, yung feeling kapag nasa loob ka na.

Aisshh!! Jovelyn! Tama na nga yang kakakwento mo ng di related dun sa dapat mo talagang ikkwento. Diba ikekwento mo yung experience mo sa Lol showcase?

Okay okay, di ko napansin naligaw na pala ako ng landas.

Balik na tayo sa september 04.
Bale late na kasi kami nagising sa sobrang excited namin para sa september 4, di na kami makatulog ng september 3. Para di sayang oras, nagprepare na lang kami para kinabukasan. yung mga banner na itataas namin, LED Bracelet, Gift, Isusuot, Etc. Etc.

Yung gift iniwanan din namin kalaunan dahil nabasa ng co admin ko na dahil galing nga silang singapore, malamang di na sila mag-accept ng gifts.

Hanggang nasa solaire na nga kami.
Sakto lang ang dating namin. Di maaga, di rin late. 3:30 nakarating kami (Sa Wakas!)
may pila na ng mga tao para sa Rehearsal. Wooooo. Excited much. (Di pa rin makapaniwala. Mamaya ba talaga makikita ko na sila?

Hanggang sa iyan na, lumapit na si kuya! isa isang nang nichecheck yung mga tickets! konti na lang. Biliis.

Okay! tapos na magcheck ng tickets! sugoooood!!

Dahil rehearsal pa lang, di nagmamatter yung seat number mo. Basta kung pano yung pila nyo nung pumasok, ganon din ang order ng pag upo. Kung di ako nagkakamali, sa mga bandang Row J kami. tas sa bandang center?

(Kinakausap ang sarili) ALSDKFAS. NASA LIKOD NA BA TALAGA SILA NG STAGE NA YAN? MAKIKITA KO NA BA SILA? MALAPIT NA. HUHU. NANDYAN NA BA TALAGA SILA. KINAKABAHAN AKO. Ano ka ba?! Kalma ka lang! Wag kang mangingisay!

Kinakausap ko yung co-admin ko habang naghihintay kami. Di mapakali. Medyo nahihiya nga lang ako dahil naririnig kami ng katabi ko sa kanan. Di kasi ako sanay na di ko kinakausap yung mga katabi ko. Parang naiilang ako na kung ano. Gusto ko kausapin si kuya para madagdagan ang friends list ko. Kaso baka maboompanes lang ako.

(Suspense Sound effect)
Haggang sa mamaya may nagsalita na sa mic!

(Yung mga sumunod na event di ko alam kung totoo ba o imbento ko na lang. So sobrang excite, kaba, gulat, takot ko di ko na maalala kung sino sinong members at kung ano ano yung sinabi nila)

Maliit ang boses "Hello Everybody!"

Haggang sa may anim nang babae ang naglalakad papunta sa gitna ng stage. Dahil madilim ang stage (dumilim nga ba talaga?) silhouette pa lang ang nakikita namin.

Nagliwanag ang ilaw. then.............

asdfasldfjasldfkja;sdlfjal;sdjflajd

Gusto ko sumigaw! pero tahimik lahat ng nanood. Walang nakapagrespond sa pagbati ni Umji(?) NASHOCK Silang lahat. Di ko alam kung san sila nashock. Dahil ba first time nila nakita ang Gfriend, o dahil sa shining shimmering ng kagandahan ng lahat ng members?

waaaaaahhh! Yerin!!!!!
Sowon, Sinb, Eunha, Umji, Yuju!!!
Ang gaganda nilang lahat!! Ibang iba yung aura nila nung nasa internet ko sila nakikita at iba rin nung dito na. Partida, malayo pa ako, pero parang na-stun ako ulit sa kagandahan nitong mga babaeng ito.
Ang tatangkad nila! Parang pakiramdam ko ang liit ko nung nakita ko na sila! Giants ba sila?

Sobrang puti ni SinB!
Ang ganda ni yerin!
Lahat ng members (Hinga ng malalim) worth dying for! (XD)

Sadly, gusto ko man kumuha ng picture, nawalan ako ng lakas ng loob. Dahil mahigpit na ipinagbabawal sa loob ang pagkuha ng litrato.

Tapos nagstart na sila magrehearse.

(Gfriend Glassbead Intro Playing) ...Alam mo yung pakiramdam na parang may maanghang sa mata mo na parang gustong maiyak? Yun yung pakiramdam ko nung nakikita ko na silang nagpeperform sa harap ko mismo. Kahit rehearsal palang. Kumakabog ng malakas yung puso ko habang nagpplay yung glassbead. Di ko maiexplain. Sa kabutihang palad at napigilan ko ang pag hagulgol.

After ng glassbead, next nilang pinerform ay ang Luv Star. After nun, pinalayas na kami ni kuyang 3angles. ^^

"See you in a minute" Si Sinb nga ba nagsabi nun o si yuju?

Tahimik ang lahat habang palabas sa theater. Hanggang sa nakalabas na yung iba, paglagpas ng pinto, ayun! dun na sa labas naglabas ng kinimkim na damdamin. Nakarinig kami ng bonggang bonggang sigaw ng mga lalaki.

--May 1 hour pa bago magstart ang showcase. Gumala, Nagselfie at saka bumalik sa pila. Bibili sana kami ng foam lightstick kaso ubos na daw. Walang souvenir :(

10mins before bumalik na kami sa pila, sakto nagpapapasok na sila.

Excited syempre.
Habang nasa pila kami, nakita namin yung dalawang naging friends namin nung pre-selling ng ticket. ^^ Kaso di ko na maalala pangalan nila. hehe.
----
Ito na papasok na kami sa theater ulit....

Woops! may free na banner from GFRIEND PH! Sabi ni ate...
"Hangul - Itataas sa sunshine last part"

Banner 1 (Yeojachingu Logo) - Itataas sa start (??)
Banner 2 (Hangul) - Itataas daw kapag last song na. (Sunshine)

Thank you po! (Sabay tuloy sa pagsugod sa theater!!)

Chineck ng staff ang ticket at saka sinabi kung san kami papasok.

Seat A4 at A5 ang nakuha namin(A5 yung akin) . Swerteng Swerte, pero medyo sagabal lang yung speakers sa harap.

Sa likod namin, nakaupo yung mga staffs ng Gfriend Philippines
Yung katabi ng co admin ko (A3) ay mukhang isang Solid fan from korea. Meron si kuyang banner ng Gfriend kagaya nung sa korea yung may "problematic fanchant" pa sa likod ika nga ni sinb. Tahimik lang si kuya.

Kakausapin ko sana si kuya kaso dinedma ako. haha. First Kill!

PERO nung nasa kalagitnaan na kami ng showcase, ang galing magfanchant ni kuya. Yung tahimik nung umpisa. May itinatagong skills pala sa pagfanchant !

Ako naman, ang katabi ko (A6) ay isa sa mga kaibigan nung GFPH Staffs na nasa likod. Mabait si kuya. approachable. ^^ Buti naman at hindi ako na Double Kill ni kuya. ^^

Maya maya pa, tinanong yung kuyang katabi ko nung mga GFPH friends nya sa likod.
GFPHStaff: "Nakakuha ka na ba ng stamp?"
Kuya: "Anong Stamp?"

Hindi ko na masyadong maalala ang mga sumunod na nangyari. Pero parang feel ko ayaw nilang sabihin kung para san or kung san nakuha yung stamp. :(
----------
Habang abala ang lahat (Sa kung ano ano) napansin ko na nasa Column B center pala si "Kaibigan L" na isa sa mga nakasalubong namin kaninang mga kaibigan . Katabi nya sa kaliwa sa ang kaibigan ng bayan na si Marj Choi, tas sa kanan naman ay si kuyang nagmula pa daw sa Korea na galing din sa singapore kagabi na isa palang parte ng Fansite.
Dahil sa pangyayaring ito. Narealize ko na next time, kapag nakakita ako ng kagaya ni kuyang parte ng fansite, iinterviewin ko na agad. (Hahaha Jk. Pero malay mo rin sa future)

Tig isang SEALED ALBUM ng GFRIEND LOL. Galing kay kuyang fansite. Ang nareceive ni kaibigan L at kaibigan ng bayan na si Marj Choi. Bigay. Free. Walang Bayad. Konting interview lang. Inggitmuch kahit may mga LOL album na rin ako. haha.

---------------

"The Show will start in a few minutes...."
nilabas na namin yung mga pinrint namin kaninang umaga na mga banneer
----------

This time, mas excited kami dahil ROW A na kami. In Short, mas malapit namin silang makikita!

Hanggang sa nagstart na yung show...

Impression
Yerin - Sa Monitor, ang ganda ni yerin, para sa akin, gandang cute,baby. Pero sa personal, ang ganda ni yerin, gandang pandalaga. Lalo na yung mga mata ni Yerin. Iba yung aura nya sa personal. Mas maganda at maappeal sya sa personal. Sobra. (Imultiply ang love sa 100x)

Umji - Maganda sya sa personal. She's not cute. She's pretty! Nagtataka lang ako kung bakit pagka sa monitor parang mataba si umji compared sa ibang members, pero sa personal, sexy badeh.

Sowon - Ewan ko ba, si sowon na ba ang 2nd bias ko. Habang nasa kalagitnaan ako ng show. Sobrang sarap panoorin ni sowon habang nagpeperform. Sabi nila stick si sowon. Pero ang (Ang hirap na makita lahat ng members dahil sa sobrang lapit namin kaya paisa isang member lang pagfocus ng mga mata)

Eunha
SinB -
Yuju

Hindi ko na talaga masyadong maalala yung pagkakasunod sunod ng pangyayari.

Pero ito yung ilan sa mga moment na naalala ko.

Moment #1
Sa pinakaunang labas ng Gfriend, itinaas ko muna yung banner1 na binigay samin kanina.
After ng isang kanta, ang itinaas ko naman ay yung isa sa mga ginawa naming banner nung umaga. (Picture Below)

Habang taas taas ko to, di ko napansin, humahagulgol na pala yung co-admin ko. Hindi nya raw mapigilan umiyak. Nagpatulong sya hanapin yung panyo nya. Tinulungan ko sya hanapin yung panyo nya gamit yung right hand ko. habang hawak hawak ko naman itong banner na ito sa kaliwang kamay. After namin mahanap yung panyo, balik ang mata sa stage.

ALKSDFALKDSF!!!!! Nakatingin na pala samin si YERIIIIN!
Napansin nya yung banner namin! Nung pagkakita namin sa kanya, ngumiti sya sabay kaway.
(Insert Nagwawalang babae Here)

Moment #2
Kahit banner ni Umji ang nakataas ko that time, Sowon looked at us with matching smile at kaway. Sobrang nakakatouch yung smile ni sowon.

Moment #3
Si Yuju, kada banner na itinataas namin ay tinitingnan nya.(Walang halong ilusyon XD). Nahihiya nga ako dahil nakikita nya yung banner namin pero name ni Umji or Yerin ang nakalagay. After ko kasi kay Yerin, kay Umji nang banner yung itinaas ko para maparamdam kay umji na sya ay special. Ang tagal tagal tagal tagal kong hinawakan yung kay Umji, kaso mukhang mahiyain talaga si Umji, kahit tinatawag namin yung name nya para icheer sya at tumingin sa direction namin, hindi sya tumitingin. T^T Mas madalas nakatingin sa monitor si umji para makita yung reaction ng fans. Sadly, hindi nakita ni umji yung "Mahal kita" ko para sa kanya kahit sya madalas yung nasa harap ko :( Puro si Yuju na nakabasa.

[Insert Yuju Banner here]

Nasa akin din pala yung banner ni Yuju, gusto ko rin itaas kaso nahiya ako bigla dun sa nilagay ko. Eh kasi naman, perfect naman talaga sya. kaso nahihiya talaga ako itaas. Nilakasan ko nalang yung loob ko nung itinaas ko yung kanya. (Di nya alam may gawa rin pala ako para sa kanya ^.^ Surprise!)

Sabi ko sayo ih. Hindi ako nag-iilusyon! Kakataas ko palang, napansin na agad ni yuju yung pagpapalit namin ng banner. This time, name na nya yung nakalagay. Nakita nya, binasa nya, sabay tingin sakin at sinabing "Perpekto?" kinoconfirm nya kung tama baga yung nabasa nya. Tumango ako ng may abot tengang mga smile. Tapos parang slow motion ko nakita yung smile nya.

Moment #4